ابوذّیات ماطرات
الزمان الچردس ابهمکم ولمکم
البخت ذاب ابمعانیکم ولمکم
متی تهتز شواربکم ولمکم
الخجل والخوف ذبانه ابردیّه
***
اهمومی اتمرجحن جاعن و لاعن
سبن واتسودنن فگسن ولاعن
علی الما وگفوا ابلاحن ولا عن
اجناب احسب الما عنوا علیّه
***
ابیع الروح الک یسمر ولملاک
التریده ایصیر ما یثگل ولملاک
بعد ما اصیر قاهر لک ولملاک
الدرب مامون حط ایدک بادیّه
***
یناهی لا تلوم الکدر من صاب
مطر ینزل قدر مقتدر من صاب
السهم یخطی البری بالنظر من صاب
المع اللّه ایصیر شیخ ابلاحمیّه
***
یدولاب اشکثر فرفرت و اخطیت
علی البیهم فخر عوثرت و اخطیت
رمیت او ما جزت کررت و اخطیت
نبت رمحک عبث باثنین ادیّه
***
التریده الروح اجرعنّه وحس بیه
مطر ینزل علی غیضه و حس بیه
شریک اویاه اجرعنّه وحس بیه
النجح، والمانجح یبعد علیّه
***
تملّک گلبی یا مالک ملک لک
و اعیش اویاک اکرمنّک ملک لک
الصدگ و العشگ مسکن لک ملک لک
هواک العذب جرنی مو بدیّه
***
اجر شعری واطوره ابغزل و انحاب
علی البیهم وفا اتحطمّت و انحاب
احنه اهل الکرم و الغرم وانحاب
لبو اخدود الشگر حامی الثنیّه
***
سبونی الما بخت عدهم ولا دین
ولا مذنب ابطاریهم ولا دین
تولّد گلبی بالفرگه ولادین
بری من بری مسجون ابقضیّه
***
ختلت او صوّبت رمحک بختلاک
تحسّب ذنب ما عدک بختلاک
یرد ظلمک علی اولادک بختلاک
فضیحه اتصیر الک مالک خطیّه
***
علمنی زمانی من هو آنی
او رمه کلمن رمانی من هوانی
اتعجّب بالکلانی من هوا نی
اصیح احاه و اهوه ایلوچ بیّه
***
جاسم ثعلبی (الحسّانی) 15/02/1399
:: برچسب‌ها:
ابو ذیات ماطرات ,
:: بازدید از این مطلب : 1526
|
امتیاز مطلب : 3
|
تعداد امتیازدهندگان : 1
|
مجموع امتیاز : 1
عضو شوید
عضویت سریع
آمار مطالب
آمار بازدید
